بيخلق عين الله عليه ملاك بريء بطير العقل بيتحوط وبدو غرزة زرقة
وامو عالرايحة والجاية بتقلو تؤبرني وتكفني
فجأة بصير عمرو 3 سنين
مدري شو بصرلو مخطتو بتضلها شارة
اوعيه كلها تراب
وشعراتو منكوشين وكل ما طلع فات لازم تلحقو امو ليتحمم
هيك ليصير عمرو 10 سنين
ومع هيك بضل تقلو امو تؤبرني وتكفني
بس يصير عمرو 10 سنين
يا سلام عليه شوف النضافة وشوف الرتابة
بس ما بلحق سنتين بجرب هالوضع ما بيعجبو
ببتبدا غلاظتو بطريقة تانية
بيكبر انفو وبتشفتر شفايفو وبيبدا صوتو يملي الحارا
ويفيق الجيران على غلاظة زناخة
وخدو مدت معاه ليصير عمرو عشرين
ومع هيك بهالتمن سنين بتضل امو تقلو تؤبرني وتكفني
ولا فجأة ما بتعرف شو بصرلو بيعشق وبحب بقوم بينقلب قلب شوفو الرتابة شوفو اللباقة شوفو الزوؤ
بس هالمرة بيطحشهاها خمس سنين
بس كمان ما بيعجبو الوضع
لانو ما بتلاقيه الا بلش يطلعلو كرش وريحة تمو عطول طالعة
وخود على بوجئة وعدا الحكي الطالع نازل
لانو بكون تفتح يخذ العين عليه بدو تحويط من اول وجديد وهالمرة
امو بتصير تحبو اكتر وتخاف عليه اكترليه ما حدا يسئل عرفو لحالكم مشان يبديها على كنتها وبضل تقلو تؤبرني وتكفني
لا هي المرة ما في فاصل مارح يتغير فيه شي للمنيح كلو من سيء لاسوء
رح يصير لانو عال40
ببلش بقى يمرض ويقوص ضهرو
وعدا اخلاقو يلي بتصير متل الزفت وخود على خناق
وبصير يحس انو مالو رجال لانو ولادو بلشو يتصرفو على كيفهم
وهو يؤبر امو بدو يتحكم بكل شي وخود على عشر سنين لبين ما يثبتها
وما بيثبتها وبتزيد عللو بصير يكح وينح وكرشو كلمالو يكبر
وماعاد بيعتني بدقنو بصير بدو يطولها قال يعني الرجال بدو يبين بهيئة الوقار
واذا بقيت امو عايشة بضلها عم تقلو تؤبرني وتكفني
وخود بقى ليصير عمرو ستين ماعاد يقدر يقوم من عالصوفاية حرام ومع هيك بضل يلتئم بهاد ويقلب وجو بهاد لانو هو مو بحاجة حدا
وامو بتكون عم تجيه بالمنام وتقلو تؤبرني وتكفني
اي بقى حاجة تطالعو مية علة بالبنات وتتفتئو
وهاد يلي جني مالاقالو يلي بدو اياه
وهاد يلي بقول عن البنات حشريين فيكم مية علة ولو بدنا نطلع عليهم ما كان رجال فيكم اتزوج ههههههههههه
ولك حتى امكن بتقلكم هيك لانو القرد بعين امو عزال
لا تفكرو انو كتير صحيح حكيها عنكم
يلا سي ويلي زعل يرضى ويلي ما زعل تسلملي روحو الرياضية بس لاحدا يسبني لانو عم نمزح مو اكتر
السبت يوليو 18, 2009 6:42 am
